khotbah paskah 7 AKhotbah Minggu Paskah 7 A Tanggal,05 Juni 2011 Ogen : I Kis 1: 12-14 Enca Jesus nangkih ku Surga,ajar-ajar ras Maria bagepe ras kalak sideban ras-ras ertoto guna nimai kerehen Kesah sibadia.Ije pe lit ka piga-piga kalak sindeher ras ia. Ogen: II 1 Petr 4: 13-16 Ikataken Jesus maka ajar-ajarNa pe ugapape ngenanami kiniseran nge bagi si inanamiNa.Arapen Jesus galah kalak enda tetap ermeriah ukur ibas kiniseran,janah tetap naksiken Kristus ibas kegeluhenna. Sebab alu bage nge maka kalak enda banci ras-ras majekken Gereja eme kula Kristus.Janah enda banci iangka alu penampat Kesah sibadia kap ngenca. Berita Simeriah: Joh 17: 1-11a Jesus tetap ersada ras bapaNa ibas toto.Ibas totoNa iendeskanNa kerna perutusen ajar-ajarNa. IpindoNa Kesah sibadia man bapaNa gelah ajar-ajarNa guna ngajari kalak enda ras empegegehi sa,guna tetap meritaken Berita si meriah man kerina jelma. Si man ukurenta. Lit kuan-kuan ibas kalak karo, adi anak merandal anak bapa janah adi anak gutul e anak nande. Enda encidahken maka kai siteridah ibas diri anak e ikut nggambarken keadan orang tua. Labo maksudna maka adi merandal anak bapa,janah adi la merandal e anak nande.Tapi sekali nari e encidahken maka si icidahken anak eme gambaren orang tuana. Bagepe ibas toto Jesus tupung nandangi persirang-sirangenNa ras ajar-ajarNa,maka nina Jesus :” Bapa enggo seh paksana permuliakenlah anakNdu gelah anakNdu pe empermuliaken Kam. Aku ertoto guna kalak enda,si enggo iberekenNdu man bangku” Lit sada hal si menarik ibas toto Jesus enda sebab nina Jesus” permuliakenlah anakNdu” Biasana tupung Jesus ngelakoken mukzijat entah pepalem penakit bagepe entah pelaweskan setan-setan maka nina Jesus ula kataken man ise pe kerna kejadin enda.E tandana maka Jesus labo pernah ngarapken maka Ia ipehaga, Ia isanjung-sanjung ibas kai sinilakokenNa.Maka tempa siakap lit bedana kerna toto Jesus ibas Berita Si meriah enda ndai.Kai kin maksud Jesus ertoto bagenda? 1 Ndai ibas pemenan nuri-nuri enda enggo kukataken maka kai si teridah ibas diri anak merupaken gambaren orang tua.Kemulian Jesus ibas paksa enda eme tuhu-tuhukal kemulian bapaNa.Sebab Jesus igengkenNa ngenanami kiniseran ras mate ikayu persilang encidahken kepatuhenNa man bapaNa. Bicara Jesus la ipermuliaken maka Dibata pe enggo jadi hina kal, sebab Jesus si merupaken gambaren bapaNa, mate alu konyol icikuraki ras ipesega-sega kalak.Enda me maka Jesus mindo ibas totoNa gelah Ia ipermuliaken guna kemulian bapaNa. Enca ije nari maka nina Jesus ibas totoNa, aku ertoto guna kalak enda si enggo iendeskenNdu man bangku. Ieteh Jesus maka kenca ia sirang ras ajar-ajarNa,ajar-ajarNa pe ugapape ngenanami kiniseran ras dem tantangen ibas tugasna lako encidahken kemulian Tuhan ibas kegeluhenna.Guna sadenda me maka Jesus mindo man bapaNa ibas totoNa gelah ajar-ajar ras kerina singikutken Ia ipegegehi Dibata alu kuasa Kesah sibadia. Arah toto Jesus enda sieteh maka Ia ersura-surakal gelah kita kerina singikutken Ia min tetap banci encidahken kemulian Tuhan ibas kegeluhenta enda arah kerina lagu-langkah ras perbahanenta.Tapi kai kin sijadi ibas kita? Mari sinen janah sigermeti lagu-langkah manusia si ikelengi Dibata janah ngaku-ngaku pengikut Kristus ndai ibas jaman genduari enda.Jesus ibas totoNa erjuangkal man Dibata gelah ia min ipermuliaken BapaNa.Jesus erjuang ndatken kemulian alu patuh man BapaNa janah alu nggengken kiniseran dingen la jungut-jungut.IkorbankenNa diriNa,janah alu bage maka ibas kemulianNa Dibata pe ipermuliaken. Kai sinilakoken Jesus enda bertolak belakang kal ras kai sini ilakoken manusia si jadi pangikut Jesus ndai.Manusia kerina erjuang guna ndatken kinihagan ras kemulian ibas geluhna.Janah ibas manusia erjuang guna ndatken kemulian enda umumna engkorbanken kalak sideban seh maka kemulian Dibata enggo ikorbanken. Macam-macam cara kalak guna ndatken kemulian entahpe ndatken kinihagan geluhna eme : 1. Guna ndatken kinihagan geluh maka korupsi enggo jadi budaya si sulitkal imasapken ibas tengah –tengah negaranta enda.Korupsi enggo meraja lela ibas kerina dampar kegeluhenta, la kecuali pe ibas tengah-tengah gereja megati si begi berita kerna korupsi enda.Antara bapa ras nande pe ibas jabu megati ka terjadi praktek korupsi enda.Erkiteken perlu sen untuk nukur togel maka tukur rimo bage pe lacina megati iban dua suratna.Perbapan ngarapken maka arah togel enda banci bayak ,sekalenda gia langa pagi ise metehsa nina ibas ukurna,emaka la banci matah ulas janah ibeluhi engkilep guna ndatken penukur togel gelah la terjadi perjengilen ras nande i rumah. 2 2. Bage kape adi si perdiateken pembangunen-pembangunen pemerintahen enda maka mesui kal takalta ngenehensa perbahan guna kebayaken pribadi maka ikorbanken me kerina kalak si enterem enda. Cuba perdiateken pembangunen parik dalan.Biaya pemerintah sibage galangna ipedarat tapi pas kal bagi kuan-kuan karo “kuliuki njagai manuk” emaka manuk ndai keri nge ipanganina.Si ngawasi pemborong enggo nge leben motong anggaren emaka kersik ras kubag pe idampelkenna kubas batu parik ndai lanai bo lit ise pe si mandangsa.La piga bulan pe parik ndai enggo ka mesepak perban memang labo lit daya tahanna. 3. Adi i Suka melala nge kalak si salah sangka kita perbahan arah daftar damang ,lit umat si 10 fusona tapi ternyata damangna itamana Rp 20.000.00,sedangken lansia si lanai bo kesahsa erdahin itamana ka damangna Rp 70.000.00.Lit ka tupung iperidiken biaya salonna Rp 30.000.00 tapi isi amplopna man pengurus gereja Rp.5000.00.Tuhu mehaga ia man tatapen ibas peridin ndai sabap metunggung baju kebaya ras salonna tapi kinihaganna ndai la guna kemulian Dibata. 4. Ibas gerejanta pe melala kalak si berjuang ndatken kinihagan ras penghargan alu mejingkat tampil ibas perayan-perayan saja. Adi enggo enterem jelma pulung maka mis ia tampil ije galah iakap kalak ia kalak hebat janah kalak si mejingkat ibas perpulungen Dibata, tapi adi ibas gotong royong nikapken kerina keperlun pesta e sekali pe labo ia idah je. Tapi ibas menghadapi kini latengkan enda kerina maka prinsip kalak umumna “ula aku bas tubina e”, emaka isinik-sinikken bagi sinduhum cipera aminna pe sieteh nge maka kini la tengkan e terjadi itengah-tengah kegeluhenta enda.Mbiar kita ngataken kata tuhu ,sebab berisiko nembah ate kalak,ras membahayaken man dirinta sendiri pe.Enda me tantangen ibas kita encidahken kemulian Tuhan ibas kegeluhen enda, janah guna sadenda me maka Jesus ertoto man Dibata ope denga ia sirang ras ajar-ajarNa ras kerina kalak si enggo iendesken Dibata man baNa. Emaka ula kita mbiar tapi marilah kita erjuang encidahken kemulian Dibata ibes geluh enda,sebab nggo ipoindoken Jesus Kesah sibadia man Dibata guna nemani kita. Emaka dari pada kita pusing-pusing ngukurken siutuasi masyarakatta si la bagi ukurta, si endesken saja man Dibata,sipindo gegeh man baNa gelah kit ula mombak ibas kini latengkan enda,janah marilah heppy alu ngendekan chaiya….chaiya ras briptu Norman….Amin. Suka, 04 Juni 2011 Bp.Mira GS 3Khotbah Minggu Paskah 7 A Tanggal,05 Juni 2011 Ogen : I Kis 1: 12-14 Enca Jesus nangkih ku Surga,ajar-ajar ras Maria bagepe ras kalak sideban ras-ras ertoto guna nimai kerehen Kesah sibadia.Ije pe lit ka piga-piga kalak sindeher ras ia. Ogen: II 1 Petr 4: 13-16 Ikataken Jesus maka ajar-ajarNa pe ugapape ngenanami kiniseran nge bagi si inanamiNa.Arapen Jesus galah kalak enda tetap ermeriah ukur ibas kiniseran,janah tetap naksiken Kristus ibas kegeluhenna. Sebab alu bage nge maka kalak enda banci ras-ras majekken Gereja eme kula Kristus.Janah enda banci iangka alu penampat Kesah sibadia kap ngenca. Berita Simeriah: Joh 17: 1-11a Jesus tetap ersada ras bapaNa ibas toto.Ibas totoNa iendeskanNa kerna perutusen ajar-ajarNa. IpindoNa Kesah sibadia man bapaNa gelah ajar-ajarNa guna ngajari kalak enda ras empegegehi sa,guna tetap meritaken Berita si meriah man kerina jelma. Si man ukurenta. Lit kuan-kuan ibas kalak karo, adi anak merandal anak bapa janah adi anak gutul e anak nande. Enda encidahken maka kai siteridah ibas diri anak e ikut nggambarken keadan orang tua. Labo maksudna maka adi merandal anak bapa,janah adi la merandal e anak nande.Tapi sekali nari e encidahken maka si icidahken anak eme gambaren orang tuana. Bagepe ibas toto Jesus tupung nandangi persirang-sirangenNa ras ajar-ajarNa,maka nina Jesus :” Bapa enggo seh paksana permuliakenlah anakNdu gelah anakNdu pe empermuliaken Kam. Aku ertoto guna kalak enda,si enggo iberekenNdu man bangku” Lit sada hal si menarik ibas toto Jesus enda sebab nina Jesus” permuliakenlah anakNdu” Biasana tupung Jesus ngelakoken mukzijat entah pepalem penakit bagepe entah pelaweskan setan-setan maka nina Jesus ula kataken man ise pe kerna kejadin enda.E tandana maka Jesus labo pernah ngarapken maka Ia ipehaga, Ia isanjung-sanjung ibas kai sinilakokenNa.Maka tempa siakap lit bedana kerna toto Jesus ibas Berita Si meriah enda ndai.Kai kin maksud Jesus ertoto bagenda? 1 Ndai ibas pemenan nuri-nuri enda enggo kukataken maka kai si teridah ibas diri anak merupaken gambaren orang tua.Kemulian Jesus ibas paksa enda eme tuhu-tuhukal kemulian bapaNa.Sebab Jesus igengkenNa ngenanami kiniseran ras mate ikayu persilang encidahken kepatuhenNa man bapaNa. Bicara Jesus la ipermuliaken maka Dibata pe enggo jadi hina kal, sebab Jesus si merupaken gambaren bapaNa, mate alu konyol icikuraki ras ipesega-sega kalak.Enda me maka Jesus mindo ibas totoNa gelah Ia ipermuliaken guna kemulian bapaNa. Enca ije nari maka nina Jesus ibas totoNa, aku ertoto guna kalak enda si enggo iendeskenNdu man bangku. Ieteh Jesus maka kenca ia sirang ras ajar-ajarNa,ajar-ajarNa pe ugapape ngenanami kiniseran ras dem tantangen ibas tugasna lako encidahken kemulian Tuhan ibas kegeluhenna.Guna sadenda me maka Jesus mindo man bapaNa ibas totoNa gelah ajar-ajar ras kerina singikutken Ia ipegegehi Dibata alu kuasa Kesah sibadia. Arah toto Jesus enda sieteh maka Ia ersura-surakal gelah kita kerina singikutken Ia min tetap banci encidahken kemulian Tuhan ibas kegeluhenta enda arah kerina lagu-langkah ras perbahanenta.Tapi kai kin sijadi ibas kita? Mari sinen janah sigermeti lagu-langkah manusia si ikelengi Dibata janah ngaku-ngaku pengikut Kristus ndai ibas jaman genduari enda.Jesus ibas totoNa erjuangkal man Dibata gelah ia min ipermuliaken BapaNa.Jesus erjuang ndatken kemulian alu patuh man BapaNa janah alu nggengken kiniseran dingen la jungut-jungut.IkorbankenNa diriNa,janah alu bage maka ibas kemulianNa Dibata pe ipermuliaken. Kai sinilakoken Jesus enda bertolak belakang kal ras kai sini ilakoken manusia si jadi pangikut Jesus ndai.Manusia kerina erjuang guna ndatken kinihagan ras kemulian ibas geluhna.Janah ibas manusia erjuang guna ndatken kemulian enda umumna engkorbanken kalak sideban seh maka kemulian Dibata enggo ikorbanken. Macam-macam cara kalak guna ndatken kemulian entahpe ndatken kinihagan geluhna eme : 1. Guna ndatken kinihagan geluh maka korupsi enggo jadi budaya si sulitkal imasapken ibas tengah –tengah negaranta enda.Korupsi enggo meraja lela ibas kerina dampar kegeluhenta, la kecuali pe ibas tengah-tengah gereja megati si begi berita kerna korupsi enda.Antara bapa ras nande pe ibas jabu megati ka terjadi praktek korupsi enda.Erkiteken perlu sen untuk nukur togel maka tukur rimo bage pe lacina megati iban dua suratna.Perbapan ngarapken maka arah togel enda banci bayak ,sekalenda gia langa pagi ise metehsa nina ibas ukurna,emaka la banci matah ulas janah ibeluhi engkilep guna ndatken penukur togel gelah la terjadi perjengilen ras nande i rumah. 2 2. Bage kape adi si perdiateken pembangunen-pembangunen pemerintahen enda maka mesui kal takalta ngenehensa perbahan guna kebayaken pribadi maka ikorbanken me kerina kalak si enterem enda. Cuba perdiateken pembangunen parik dalan.Biaya pemerintah sibage galangna ipedarat tapi pas kal bagi kuan-kuan karo “kuliuki njagai manuk” emaka manuk ndai keri nge ipanganina.Si ngawasi pemborong enggo nge leben motong anggaren emaka kersik ras kubag pe idampelkenna kubas batu parik ndai lanai bo lit ise pe si mandangsa.La piga bulan pe parik ndai enggo ka mesepak perban memang labo lit daya tahanna. 3. Adi i Suka melala nge kalak si salah sangka kita perbahan arah daftar damang ,lit umat si 10 fusona tapi ternyata damangna itamana Rp 20.000.00,sedangken lansia si lanai bo kesahsa erdahin itamana ka damangna Rp 70.000.00.Lit ka tupung iperidiken biaya salonna Rp 30.000.00 tapi isi amplopna man pengurus gereja Rp.5000.00.Tuhu mehaga ia man tatapen ibas peridin ndai sabap metunggung baju kebaya ras salonna tapi kinihaganna ndai la guna kemulian Dibata. 4. Ibas gerejanta pe melala kalak si berjuang ndatken kinihagan ras penghargan alu mejingkat tampil ibas perayan-perayan saja. Adi enggo enterem jelma pulung maka mis ia tampil ije galah iakap kalak ia kalak hebat janah kalak si mejingkat ibas perpulungen Dibata, tapi adi ibas gotong royong nikapken kerina keperlun pesta e sekali pe labo ia idah je. Tapi ibas menghadapi kini latengkan enda kerina maka prinsip kalak umumna “ula aku bas tubina e”, emaka isinik-sinikken bagi sinduhum cipera aminna pe sieteh nge maka kini la tengkan e terjadi itengah-tengah kegeluhenta enda.Mbiar kita ngataken kata tuhu ,sebab berisiko nembah ate kalak,ras membahayaken man dirinta sendiri pe.Enda me tantangen ibas kita encidahken kemulian Tuhan ibas kegeluhen enda, janah guna sadenda me maka Jesus ertoto man Dibata ope denga ia sirang ras ajar-ajarNa ras kerina kalak si enggo iendesken Dibata man baNa. Emaka ula kita mbiar tapi marilah kita erjuang encidahken kemulian Dibata ibes geluh enda,sebab nggo ipoindoken Jesus Kesah sibadia man Dibata guna nemani kita. Emaka dari pada kita pusing-pusing ngukurken siutuasi masyarakatta si la bagi ukurta, si endesken saja man Dibata,sipindo gegeh man baNa gelah kit ula mombak ibas kini latengkan enda,janah marilah heppy alu ngendekan chaiya….chaiya ras briptu Norman….Amin. Suka, 04 Juni 2011 Bp.Mira GS 3